കോട്ടയം: കാരിത്താസ് ആശുപത്രിയില് കാന്സര് രോഗികള്ക്ക് കൃത്യതയാര്ന്ന പരിശോധനയും പരിചരണവും ലഭിക്കുന്ന നൂതന ജീനോമിക്സ് സാങ്കേതികവിദ്യ ആരംഭിച്ചു. പ്രിസിഷന് ഓങ്കോളജി കമ്പനിയായ ഫോര്ബേസ് കെയറുമായി സഹകരിച്ചാണ് സംസ്ഥാനത്ത് ആദ്യമായി ജീനോമിക്സ് ക്ലിനിക്കല് പരിശോധന സംവിധാനം നടപ്പാക്കിയത്.
ജീനോമിക്സ് ലാബിന്റെ ഉദ്ഘാടനം ഡയറക്ടര് റവ. ഡോ. ബിനു കുന്നത്ത് നിര്വഹിച്ചു. ഫോര്ബേസ് കെയര് കൊമേഴ്സ്യല് ഓപ്പറേഷന്സ് വൈസ് പ്രസിഡന്റ് പ്രവീണ് ഝാ, കാരിത്താസ് കാന്സര് ഇന്സ്റ്റിറ്റ്യൂട്ട് മെഡിക്കല് ഓങ്കോളജി സീനിയര് കണ്സള്ട്ടന്റ് ഡോ. ബോബന് തോമസ് തുടങ്ങിയവര് പങ്കെടുത്തു.
കാന്സര് രോഗികളുടെ കൃത്യതയാര്ന്ന പരിശോധനയ്ക്കു മുമ്പ് സംസ്ഥാനം ആശ്രയിച്ചിരുന്നത് മറ്റു സംസ്ഥാനങ്ങളെയാണ്. കാരിത്താസ് ആശുപത്രിയില് പ്രിസിഷന് ഓങ്കോളജി കമ്പനിയായ ഫോര്ബേസ് കെയര് ക്ലിനിക് തുടങ്ങി ആധുനിക പരിശോധനാ ഉപകരണങ്ങളുടെ സഹായ ത്തോടെെ പരിചരണ ം ആരംഭിച്ചതോടെ മധ്യകേരളത്തിലെ കാന്സര് രോഗീശുശ്രൂഷയ് ക്കു വന് കുതിച്ചുചാട്ടമാകും.
ഡോക്ടര്മാര്ക്ക് മികച്ച ചികിത്സാഫലങ്ങള് ലഭിക്കുന്നതിന് ജീനോമിക് പരിശോധന ഉപയോഗിക്കാനും ഓരോ രോഗിയുടെയും തനതായ ട്യൂമര് പ്രൊഫൈലിനായി കൂടുതല് ലക്ഷ്യബോധമുള്ളതും ഫലപ്രദവും അനുയോജ്യമായ ചികിത്സാപാതകള് തെരഞ്ഞെടുക്കാനും അതുവഴി അനാവശ്യ പാര്ശ്വഫലങ്ങള് കുറയ്ക്കാനും സാധിക്കും.
ഫോര്ബേസ് കെയറും കാരിത്താസ് ആശുപത്രിയും രോഗികള്ക്ക് കൂടുതല് വ്യക്തിഗത ഡാറ്റാ അധിഷ്ഠിത കാന്സര് ചികിത്സാ പരിചരണം വാഗ്ദാനം ചെയ്യുന്നു. കാരിത്താസ് ആശുപത്രിയില് കാരുണ്യത്തോടും വിശ്വസ്തതയോടും ആധുനിക പരിചരണം നല്കുന്നതിനാണ് ശ്രദ്ധ കേന്ദ്രീകരിക്കുന്നതെന്ന് കാരിത്താസ് ആശുപത്രി ഡയറക്ടറും സിഇഒയുമായ റവ. ഡോ. ബിനു കുന്നത്ത് പറഞ്ഞു.
രോഗി കേന്ദ്രീകൃത കാന്സര് പരിചരണം ശക്തിപ്പെടുത്തുന്നതില് പുതിയ ചുവടുവയ്പാണ് ഫോര്ബേസ് കെയറുമായുള്ള സഹകരണമെന്നും അത്യാധുനിക ജീനോമിക് സാങ്കേതിക വിദ്യകള് ക്ലിനിക്കല് പ്രാക്ടീസിലേക്ക് കൊണ്ടുവരുന്നതിലൂടെ ഓരോ കാന്സര് രോഗിക്കും സമയബന്ധിതവും വ്യക്തിഗതവുമായ പരിചരണവും ലഭിക്കാന് സാധിക്കുമെന്നും ഫോര്ബേസ് കെയര് സഹസ്ഥാപകനും സിഇഒയുമായ ഹിതേഷ് ഗോസ്വാമി പറഞ്ഞു.
E-paper LOGIN
LOGIN
